‘O Pullastr

A Ciro ‘o piett piace assaje,
‘a còscia dice ca ‘o fa vummecà.
Peppe, d’ ‘o canto soj’, vo’ sul’ ‘a còscia,
ca, cu ‘o piett, ‘ngann se sent’ r’affucà.

Finché ognun se magna ‘a parte soja,
‘o pullast’ se spart’ senza sceneggiata,
ma si uno dice: “Stu piezzo scurdatell’, senza foja!”,
vo’ sul’ cumannà ‘ncopp’ a chill’ata.

Nun dà sentenze dinto ‘o piatt’ e ll’at’,
si sul’ a verell te sient’ arrevutà.
Chiude ll’uocchie e fa finta ‘e nun guardà.

Nun scassà ‘o cazz’ e nun t’arraggià.
Avissa esse sul’ cchiù cuntent,
pecché nisciun te vo’ levà niente.